Strålande vêr la grunnlaget for eit flott arrangement i Stalheimskleiva laurdag 13. mai.
Det var mykje folk som tok turen til Stalheim denne dagen. Stort og smått kosa seg i kleiva, og det var god innsats og frammøte i både barneløp og trim/familieklasse.
I konkurranseklassen var det i år litt dårleg deltaking, men dei som deltok gjorde ein flott innsats.
Vinnarar i konkurranseklassen, og ny løyperekord i Stalheimskleiva opp:
- Laila Himle: 12.01
- Øystein Røen: 10.59
Vinnarane fekk kvar sin gåvesjekk på 3000 kr, sponsa av Voss Sparkebank og Voss Energi.
Det var flotte premiar til alle som deltok. Alle deltakarar i konkurranse og barneløpet fekk i tillegg tildelt flotte t-skjorter med info om Stalheimskleiva.
Foto: Svein Ulvund
På nettsida til Svein Ulvund kan du sjå fleire flotte bileter frå dagen:
https://fotovoss.com/13-05-2023-stalheimskleiva-opp/
Me ynskjer å takka alle deltakarar, sponsorar og funskjonærar for god hjelp og innsats. Velkomen tilbake til neste år!
